Í dag var haldinn fundur stjórnarmanna í ASÍ-félögunum í Skagafirði, með Gylfa Arnbjörnssyni, forseta ASÍ. Gylfi ræddi skipulagsmál ASÍ og þær tilögur til breytinga sem þar eru uppi á borðinu, svo sem að þing verði á tveggja ára fresti í stað ársfunda og að aukið verði vægi formannafunda í stjórnskipan ASÍ.

Í dag var haldinn fundur stjórnarmanna í ASÍ-félögunum í Skagafirði, með Gylfa Arnbjörnssyni, forseta ASÍ. Gylfi ræddi skipulagsmál ASÍ og þær tilögur til breytinga sem þar eru uppi á borðinu, svo sem að þing verði á tveggja ára fresti í stað ársfunda og að aukið verði vægi formannafunda í stjórnskipan ASÍ.

Gylfi velti upp möguleikum hreyfingarinnar í komandi kjaraviðræðum, hvar sóknarfærin lægju og hætturnar leyndust, eins og hann sér það fyrir sér. Gylfi lýsti þeim hættum sem að hans mati fælust í þeirri hugmynd sumra féalga, að sækja hækkun eingöngu á útflutningsgreinarnar og láta þær marka viðmiðið fyrir aðra í samfélaginu.

Fundurinn var málefnalegur og líflegur og án efa gagnlegur fyrir stjórnir félaganna og gott veganesti fyrir þá vinnu sem er´framundan í haust.