Skip to main content
VMF

Halldóra Sveinsdóttir nýr 3.varaforseti ASÍ

By nóvember 18, 2021No Comments

Halldóra Sigríður Sveinsdóttir formaður Bárunnar stéttarfélags á Selfossi var í gær kosin 3. varaforseti ASÍ á fundi miðstjórnar sambandsins. Ragnar Þór Ingólfsson hefur gegnt embætti 3. varaforseta en verður 2. varaforseti eftir að Sólveig Anna Jónsdóttir sagði af sér öllum trúnaðarstörfum fyrir ASÍ í byrjun mánaðarins.

Halldóra sem er 61 árs hefur verið formaður Bárunnar frá árinu 2010 en starfssvæði félagsins er Árnessýsla utan Ölfus og eru félagsmennirnir rúmlega 2100. Hún hefur setið sem aðalmaður í miðstjórn ASÍ frá árinu 2018 og tekið þátt í fjölmörgum trúnaðarstörfum á vegum hreyfingarinnar að auki.

Þórarinn Sverrisson, formaður Öldunnar á Sauðárkróki, kemur inn sem aðalmaður í miðstjórn.

Close Menu

Verslunarmannafélag Skagafjarðar

Borgarmýri 1
Sauðárkróki
Ísland

T: 453 5433
E: skrifstofa@stettarfelag.is