Vefurinn Næsta skref, upplýsingavefur um nám og störf, var opnaður á ársfundi Fræðslumiðstöðvar atvinnulífsins í desember sl. en markmið vefsins er að veita einstaklingum upplýsingar og aðgengi að ráðgjöf um störf á íslenskum vinnumarkaði,
námsframboð þeim tengdum og raunfærnimatsleiðir.

Vefurinn Næsta skref, upplýsingavefur um nám og störf, var opnaður á ársfundi Fræðslumiðstöðvar atvinnulífsins í desember sl. en markmið vefsins er að veita einstaklingum upplýsingar og aðgengi að ráðgjöf um störf á íslenskum vinnumarkaði, námsframboð þeim tengdum og raunfærnimatsleiðir. Vefurinn er ein af afurðum IPA verkefnis Fræðslumiðstöðvar atvinnulífsins  „Þróun raunfærnimats til að efla starfshæfni fullorðinna með litla formlega menntun“. Fræðslumiðstöð atvinnulífsins (FA) og Sérfræðisetur í ævilangri náms- og starfsráðgjöf (SÆNS) unnu sameiginlega að þróun vefsins í samráði og samstarfi við ýmsa hagsmunaaðila, s.s. starfsgreinaráð, fagfélög og fræðsluaðila.

Á þessum tímapunkti inniheldur vefurinn um 220 starfslýsingar, 100 námslýsingar, upplýsingar um leiðir í raunfærnimati og aðgengi að náms- og starfsráðgjöf á vettvangi framhaldsfræðslunnar. Mikil þörf hefur verið fyrir upplýsingavef af þessu tagi hérlendis til að auðvelda fólki að taka ákvörðun um starf og leiðir í námi. Brýnt er að þróun vefsins haldi áfram, en fjármögnun er óljós eins og stendur. Vefslóðin er:  www.naestaskref.is.