Eimskip/Herjólfur og Frumherji hafa dregið fyrirhugaðar verðhækkanir á þjónstu sinni til baka eftir tilmæli Alþýðusambandsins. Þessu framtaki ber að fagna og um leið eru önnur fyrirtæki á svarta listanum hvött til að fylgja fordæmi fyrirtækjanna tveggja.

Eimskip/Herjólfur og Frumherji hafa dregið fyrirhugaðar verðhækkanir á þjónstu sinni til baka eftir tilmæli Alþýðusambandsins.
Þessu framtaki ber að fagna og um leið eru önnur fyrirtæki á svarta listanum hvött til að fylgja fordæmi fyrirtækjanna tveggja.

Þegar ASÍ fréttir af hækkun fyrirtækis á vöru eða þjónustu er ábendingin sannreynd, því næst er viðkomandi fyrirtæki sent bréf þar sem það er hvatt til að draga hækkunina til baka. Fyrirtækinu eru gefnir 2-3 dagar til að bregðast við en ef hækkunin er ekki dregin til baka lendir fyrirtækið á svarta listanum.

Svarti listinn lítur nú svona út:

 Landsvirkjun
 Síminn
 Íslandspóstur
 World class
 Landsbankinn
 Pottagaldrar
 Orkuveita Reykjavíkur
 Lýsi
 Nói Síríus
 Freyja

Fyrirtæki geta skráð sig á græna listann, en hann er ætlaður þeim fyrirtækjum sem hafa ákveðið  að sýna samstöðu og hækka ekki hjá sér verð. Sá listi lengist stöðugt og má skoða hann hér.